Жорабаева тез танылған Димашты танылмай жатып жарнамаға зәру болған өзімен салыстырды
Алтынай Жорабаева он жыл бұрын халыққа танылудың әлдеқайда қиын болғанын айтып жатыр. Осы орайда, ол Димаштың басында болып жатқан жағдайды мысалға келтіріп, әлеуметтік желілердің пайдалы тұстарын атап өтті.
Бұл туралы 31 арнаның “Айта берсін” бағдарламасында айтылды.
«Менің өзім 6 халықаралық байқауға қатыстым. Соның өзінде «Журналистерге «Біз осындай байқауға барып келген едік. Бізден сұхбат алыңыздаршы. Бір рет газетке шығайықшы» деп жүріп әрең танылатынбыз. Әдетте эфирге бір шығады. Мұны бірен-саран адам ғана көреді. Ал қазір инстаграм, фейсбук желілерінің арқасында жарнама көп болып жатыр. Маржан Арапбаева, Мақпал Жүнісова, Нағима Есқалиева, Медеу Арынбаев сынды әншілеріміз – сол байқаудың барлығына барып келген азаматтар.
Димаштың қазір бағы жанып тұр. Оның басында болып жатқан оқиғалар, тіпті, шетелдік жұлдыздардың басында болмаған. Бүкіл өнер адамдары, театр актерлері, мен деп әлемді бағындырып жүрген әншілердің өзі Димаштың талантына таңқалып, әрқайсысы пікір жазып жатқанын оқып, көзіме жас келді. Өйткені, оның сол байқауға қатысып тұрғандағы көңіл-күйі, толғанысы басымнан өткен соң, денем тітіркеніп, тақымымды қысып отырдым», – дейді Алтынай Жорабаева.
Жіберіп алмаңыз:
Алтынай Жорабаева арам қаннан қалай тазарып жүргенін айтып берді
Желіге қызының суретін жүктеген Аша жұрттан ұрыс естіп қалды (фото)