Бұған дейін алматылық жігіттің автобуста көріп ұнатқан қызды 5 жылдан соң тауып, кездескенін жазған едік. Ол автобуста бойжеткенге хат қалдырып, өзіне хабарласуын өтінген. Алайда бойжеткен оған қоңырау шалмапты. Сол уақыттарда қызды іздеп таппаған жігіт онымен 5 жылдан соң кездесті.

Ілияс өміріндегі қызықты жайтты айтшы дегенде осы оқиғаны еске алады. Алайда бұл оның осы уақытқа дейін басы бос болды дегенді білдірмейді.

“Жасыратыны жоқ, мен осы уақытқа дейін жалғыз жүрдім деп айта алмаймын. Жаныңда ұнататын адамың болғанда өзгені ойлау сатқындық деп білем. Бірақ жүрегім бос болған кезде үнемі оны іздеп көруге тырысатынмын”, – дейді Ілияс.

Бүгінде жастар бір-бірін жақынырақ танып білуде. Екеуі де Димаштың талантына тәнті екен. Енді бірге әншінің концертіне баруды жоспарлап отыр.

“Әрі қарай не болатыны жаратқан біледі. Жақсылықпен аяқталады деп үміттенемін”, – дейді жігіт.

Ол қыз алып қашу дәстүріне қарсы екенін айтты. Сол себепті ата жолымен келісім арқылы отбасын құрсам деген ниетте.

Тағы да оқыңыз:

7 баламен көше кезген келіншекке қайырымды жандар үй салып бермек

Оралда салынып жатқан нысаннан cәби табылды

Алматы-Қапшағай жолында қызмет етіп тұрған полицей қаза болды

Талқылау