Алматыда нөмірсіз көлік кортежі көшеде артқы жағымен жүрді (видео)
Желі қолданушылары Алматы көшесінде еркін жүрген көлік кортежін қызу талқылап жатыр.
Видеоны Александр Цой Instagram аккаунтында жариялады.
Айтуынша, әл-Фараби көшесімен бірнеше көлік нөмірсіз кетіп бара жатыр. Олар жылдамдықты да арттырған.
Видеодан көліктің бірінің артқы жағымен жылдамдықты аттырып жүріп бара жатқанын көруге болады.
«Біздің полицейлер реформа жасап жүгенде, Алматы заңсыздықтарға толып барады. Адамды күндіз тонып, көлік айнасы үшін өлтіріп кетеді. Жолда мынандайдар қаптап жүр. Орталық көшеде тапа-тал түсте, мемлекеттік нөмірсіз, артқы бағытпен, жылдамдықты арттырып, ережені бұзып, апатты жағдай келтіріп терезесі қапталған көліктер жүр», – деп жазады автор.
Желі қолданушылары наразылығын білдіріп жатыр.
«Біздің мәдениетіміздің түрі осындай. Адамдар өзін ғана ойлайды. Достарымен көңіл көтереді. Басқа адамдардың жағдайын ойламайды»,- деп жазады олар.
Stan.kz сайтын Telegram арқылы оқыңыз. Арнамызға жазылыңыз.