Almaty Towers-тегі “Батут орталығының” директоры тұтқындалды
Алты адамның өмірін жалмаған алапат өрт орын алған Almaty towers ойын-сауық орталығындағы «Батут орталығы» ЖШС-ның директоры тұтқындалды, деп хабарлады ҚазАқпарат қалалық ІІД баспасөз қызметіне сілтеме жасап.
«2016 жылғы 12 қарашада «Батут орталығы» ЖШС директоры 1983 жылы туған Д.Тұяқов ҚР ҚПК 128-бабына сәйкес ұсталып, ҚР ҚПК 292-бабының 3-бөлігінде көзделген қылмысты жасады деген күдікпен уақытша ұстау оқшаулағышына қамалды», – деп хабарлады ведомстводан.
Қалалық ІІД-де жақын арада азамат сот алдында жауап береді. Оған дейін сотқа дейінгі тергеу амалдары жүргізілмек. Сондай-ақ, аталмыш істің Алматы қалалық ІІД-нің тергеу басқармасына тапсырылатыны хабарланды.
Естеріңізге сала кетейік, бизнес-орталықты өрт 6 қараша күні 18:00-ден бастап шарпыған кешкі уақытта шықты. Өрт кезінде жалпы саны 6 адам қайтыс болды. Өрттің шарпыған аумағы 1800 шаршы метрді құрады. Бұған дейін ол жерден тұрғындардың қалай қашып шыққаны туралы дажарияланған болатын.
Жіберіп алмаңыз:
Шығыс Қазақстанда 8 жасар қызды өлтіріп кеткен күдікті қолға түсті
Павлодардағы жол апатынан қазақтың ақын қызы қыршынынан қиылды
Маңғыстау облысында оқушы үш баланы өрттен аман алып қалды
18 жастағы жігіт «ВКонтакте» желісіне аудиожазба жүктегені үшін сотталуда