Алматыдағы 18 жастағы қыздың азапты өлімі: Күдікті қолға түсті
Алматы қалалық полиция департаменті Медеу ауданындағы тұрғын үй кешендерінің бірінде орын алған 18 жастағы азаматша А-ны өлтірді деген күдіктінің қолға түскенін мәлімдеді, деп хабарлайды Stan.kz ақпарат агенттігі.
"Күдікті азамат С. Алматы қаласының маңынан ұсталды. Ол ҚР Қылмыстық-процестік кодексінің 128-бабына сәйкес уақытша ұстау изоляторына қамалды. Кешенді жедел-іздестіру шаралары жалғасуда", - деп түйіндеді Медеу аудандық ІІБ бастығы, полиция подполковнигі Дәурен Өтебаев.
Естеріңізге сала кетейік, бұған дейін Алматыдағы көпқабатты тұрғын үйлердің бірінде 18 жастағы қызды өлтіріп, денесін өртеп кеткені туралы жазылған. Жантүршігерлік оқиға жалға берілетін пәтерде болған.
Қылмыстық іс "Адам өлтіру" бабы бойынша тергеліп жатыр. Күдіктінің кінәсі дәлелденсе ол 15-жылдан 20-жылға дейін бас бостандығынан айрылуы мүмкін.
“2 миллиард теңгеге жуық“: Қазақстан өңірлері 2026 жылды қарсы алуға қанша қаражат жұмсайды?
Алайда биыл елордалықтар жергілікті бюджет қаржысын үнемдеген көрінеді
"Өліп қала жаздаған кездерім болды": Қарызға батып жезөкше болған қазақстандық табысы туралы айтты
Ләйлә: "Жетім қыздар, күйеуге шығайын деп жүргендер, бұрынғы күйеуінің несиесін төлеп жүргендер бар"