Алматыда стихиялық қоқыс үйінділері үшін шенеуніктер жазаланды
Фото: pixabay.com
Алматыдағы экология департаментінің басшысы Дінмұхамед Лесбеков Өңірлік коммуникациялар қызметінің брифингінде қаладағы стихиялық қоқыс орындары үшін қанша лауазымды тұлға жазаланғанын айтты. Бұл туралы Stan.kz ақпарат агенттігі хабарлайды.
2025 жылы Алматының аудан әкімдіктері 10 стихиялық қоқыс үйіндісін анықтап, жойған.
"Биыл тоғыз айда санитарлық тазалық саласындағы қызметтік міндеттерін орындамағаны үшін департаменттерге айыппұл салынды. Аудан әкімдіктерінің тоғыз лауазымды тұлғасы жауапкершілікке тартылды. Олардың қатарында абаттандыру және коммуналдық шаруашылық бөлімдерінің басшылары мен әкімнің жауапты орынбасарлары бар", – деді Лесбеков.
Оның айтуынша, инспекторлар қала аудандары бойынша күн сайын рейд жүргізеді.
Сонымен қатар департамент азаматтардың шағымдары негізінде стихиялық қоқыс орындарын анықтап, жою жұмыстарын атқарып келеді.
Алматыда тағы да күйік иісі шығып, тұрғындар шағымданды
Еске салайық, 14 қыркүйекте Алматы облысында қоқыс полигонында өрт шыққан еді. Облыс әкімдігінің "елді мекендерге қауіп жоқ" деген мәлімдемесіне қарамастан, 16 қыркүйекте қалаға өрт иісі жетіп, тұрғындардың наразылығын тудырды.
Үй алудың жаңа мүмкіндіктері: Алдағы уақытта қандай тұрғын үй бағдарламалары іске қосылады
