Алматыда Ораза айт қарсаңында ең үлкен мешіт ашылды
Алматы қаласында жалпы ауданы 20 мың шаршы метрден асатын, 20 мың адамға арналған қаланың ең үлкен мешіті бой көтерді.
Қасиетті Ораза айт мерекесіне орай мешіт бір күнге ашылып, онда Айт намазы оқылды. Құлшылық етуге жиналған жамағат саны 40 000-нан асты. Мешіт құрылысы 2017 жылы басталған.
Айта кетейік, мешіттің құрылысы танымал кәсіпкер әрі меценат Тимур Асқарұлы Құлыбаевтың қолдауымен жүзеге асқан.
Мешіттің толық ашылуы нысанды Қазақстан мұсылмандары діни басқармасына ресми түрде тапсыру процесі аяқталған соң өтеді.
Талқылау