Алматыда кәсіпкер әйел әншілерден миллиондап ақша алып алдап кеткен
Алматы тұрғыны Әйгерім Нұржанова алдады деген әйелден ақшасын қайтара алмай жүргендердің бірі.
2 жыл бұры оның күйеуі Қарлығаш есімді әйелге 7,5 млн теңгеге бағаланатын ірі қара мал берген. Берешегін қайтарғысы келмеген келіншектен әрең дегенде 6 млн теңгесін қайтарған. Қалған ақшасын бермеген, деп хабарлайды Stan.kz ақпарат агенттігі 31 арнаға сілтеме жасап.
Өзін кәсіпкер ретінде таныстырған келіншек ел алдында жүрген әншілерді де сан соқтырып кеткенге ұқсайды.
Жұлдызды жұп Мирас пен Құралай, Майра Мұхамедқызы да қарызын ала алмай келеді. Айтуларынша, кәсіпкер адамның іші-бауырына кіріп, әдемі сөздерін үйіп-төгеді. Тіпті бірнеше рет дастархандаст та болған.
Жұлдызды жұп Мирас пен Құралас инстаграмға кәсіпкер әйелдің суретін көрсетіп, 2 млн теңгесін қайтармай жүргенін айтқан болатын.
Кәсіпкер көпшіліктен қомақты қаражат алғанын растады. Алайда бар ақшасын төлеп берем деп уәде етті.