Алматыда қаланың қақ ортасында дрифт жасаған Lexus жүргізушісі ұсталды
Алматыда Lexus көлігінің жүргізушісі қаланың қақ ортасында дрифт жасаған. Бұл туралы Stan.kz ақпарат агенттігі хабарлайды.
Видеодан скрин
31 жастағы жүргізуші Абай даңғылы мен Жароков көшесінің қиылысында дрифт жасап, жол қозғалысының басқа қатысушыларына қауіп төндірген. Полиция департаменті жүргізушінің ұсталғанын атап өтті. Сот қаулысымен құқық бұзушы 10 тәулікке қамауға алынған.
Полиция департаменті соңғы кезде, әсіресе, жас жүргізушілердің жол қозғалысы ережелерін өрескел бұзу деректері жиілеп кеткенін атап өтті.
“Алматы полициясы барша жүргізушілерге, әсіресе жастарға ескертеді: өмірмен ойнамаңыздар– өзіңіздікімен де, басқалардікімен де. Көлікті жауапкершілікпен жүргізу – бұл заңды талап қана емес, бұл – қоғамдық қауіпсіздік мәселе. Мұндай деректің барлығына заң шеңберінде қатаң түрде шара қолданатымызды ескертеміз”, – делінген полиция хабарламасында.
Талқылау