Қоқысты сұрыптау тек Қазақстанда ғана емес, бүкіл әлемдегі жаһандық мәселелердің бірі болып табылады. Жыл сайын дүние жүзінде 2 миллиард тоннаға жуық қатты тұрмыстық қалдықтар қоқысқа тасталады. Жағдай өзгермесе, 2050 жылға қарай қоқыс көлемі 70 пайыздан астам артуы мүмкін. 3,5 миллиардтан астам адам тиімді кәдеге жарату жүйелеріне қол жеткізе алмайды. Соның нәтижесінде олар тастаған кейбір қоқыс өртеледі немесе қоршаған ортаға, соның ішінде өзендерге, теңіздерге және мұхиттарға түседі.

Танымал Earth.org қоршаған орта туралы жаңалықтар сайтының мәліметтеріне сәйкес жыл сайын қоқыс тастайтын жерлерде немесе қоршаған ортада шамамен 60% немесе 300 миллион тонна, ал мұхиттарда кемінде 8 миллион тонна пластик қоқыс жаналады екен. Осылайша мұхит бетінің шамамен 40% пластик жауып тұр.

"Такеда Қазақстан" халықаралық фармацевтикалық компаниясының бас директоры Михаил Владимиров:

"Адамның денсаулығы қоршаған ортаның қазіргі жағдайымен тығыз байланысты. Табиғатқа неғұрлым ұқыпты қарасақ, өзімізге және болашаққа соғұрлым ұқыпты қараймыз. Ластанған орта денсаулығымызға кері әсер етіп, түрлі ауруларды қоздырады. Сондықтан қоршаған ортаға және планетамыздың тазалығын сақтауға қатысты көзқарасымызды ой елегінен қайта өткізу маңызды.

Осы бағыттағы басты қадамдардың бірі – қоқысты жинау және сұрыптау. Адамдардың денсаулығына тікелей жауапты компания ретінде біз үшін қоқыс жинау, экологиялық шараларға қатысу — тазалық пен денсаулықты сақтауға деген ұстанымымызды көрсетудің бір жолы. Мұндай іс-шаралар әр адамның өмірге қосатын жеке үлесінің маңыздылығын түсінуге ықпал етеді. Оған қоса үкімет пен корпорацияларға қалдықтарды басқарудың тиімді жүйелеріне, тұтыну жолдарына, заңнамаға қатысты шешімдерді енгізу қажет екенін жеткізу мүмкіндігі болып табылады.

Дүниежүзілік тазалық күніне қосылыңыз, қоршаған ортаны бірге тазартайық!".

Былтыр Дүниежүзілік тазалық күніне 198 ел мен 19,1 млн ерікті қатысты.

"Такеда" қызметкерлері жинаған қоқысты сұрыптауды және одан әрі өңдеуді “Recycle Бірге” қоғамдық қозғалысы мойнына алды.

Takeda — ем алушыларға бағдарланған, құндылықтарға және ғылыми зерттеулерге негізделген, бүкіл әлемдегі адамдардың денсаулығын жақсартуға және жарқын болашақты қамтамасыз етуге ұмтылатыны биофармацевтикалық компания. Компанияның ем алушылардың өмірін жақсы жаққа өзгертуге, емдеу әдістерін жасап шығаруға деген құштарлығы 230 жылдан астам уақыт бұрын Жапониядан бастау алған.

Шамамен 80 елде жұмыс істейді. Жапонияда және АҚШ-та, сәйкесінше әлемдегі ірілігі жағынан үшінші және бірінші фармацевтикалық нарықтарда, көш бастап тұр. Компания бүкіл әлемдегі адамдарға инновациялық препараттар мен жаңашыл емдеу әдістерін ұсынады.

Талқылау