Алматы облысында полиция қызметкерін көлік қағып өлтірді
Алматы облысында патрульдік полиция қызметкерін көлік қағып кетті. Полицей оқиға орнында көз жұмды. Бұл туралы Stan.kz ақпарат агенттігі хабарлайды.
Фото: polisia.kz
Жол апатының видеосы әлеуметтік желіде жарияланды.
Алматы облыстық полиция департаментінің мәліметінше, 20 желтоқсанда "Алматы-Өскемен" тас жолының 42-ші шақырымында " Toyota Camry" көлігінің жүргізушісі көктайғақ кезінде көлікті басқара алмай, облыстық патрульдік полиция батальонының қызметкерін қағып кеткен. Содан кейін көлік инерциямен Hyundai Elantra қызметтік көлігімен соқтығысқан. Оқиға салдарынан полицей оқиға орнында көз жұмды.
-
"Менен кетпейсің, кетсең тек мәйітің шығады": Ұлытау облысында күйеу жігіт қолдан жол апатын жасап қалыңдығын өлтірді
-
Алматыда танымал блогер Әлібековтің Lamborghini көлігі 22 жастағы жігітті қағып өлтірді
"Облыстық департамент қызметтік міндетін атқару кезінде қаза тапқан полиция қызметкерінің отбасына қайғысына ортақтасып көңіл айтады", – делінген хабарламада.
Еске салсақ, бұған дейін Ақтөбеде ерлі-зайыптыны мас күйде қағып өлтірген полиция қызметкері 9 жылға сотталғаны туралы жазған едік.