Алматы облысында инвесторларға арналған 15 жаңа индустриалды аймақ құрылады

Фото: Орталық коммуникациялар қызметі

Алматы облысында инвесторлар мен бизнесті қолдау үшін индустриалды аймақтарды дамыту белсенді жүргізілуде.  Бұл туралы Stan.kz ақпарат агенттігі хабарлайды.

Өткен жылы ашылған "Қайрат" индустриалды аймағында қазір 47 млрд теңге көлемінде төрт жоба іске қосылды, құны 66 млрд теңге болатын 19 жоба бойынша бар құрылыс-монтаж жұмыстары жүргізілуде.

Облыс әкімі Марат Сұлтангазиев Астанадағы Орталық коммуникациялар қызметінде өткен баспасөз мәслихатында мұндай оң тәжірибе ескеріле отырып, 15 жаңа индустриалды аймақ құрылатынын мәлімдеді.

"Егер "Қайрат-2" индустриалды аймағы шетелдік инвесторлардың есебінен салынса, БАКАД маңындағы аймақтар бойынша шешім жер иелерімен келіссөздерден кейін қабылданады. Осылайша, облыстың инвестициялық әлеуетін арттыру шаралары ірі кәсіпорындармен қатар шағын және орта бизнеске де даму мүмкіндігін береді", - деді спикер.

Әкімнің айтуынша, шағын және орта бизнестің облыстың жалпы өңірлік өніміндегі үлесі 46,3%-ке жеткен. Олардың саны 156 мыңнан асты, өсімі 33,8%-ді құрайды, ал шағын және орта бизнесте 273 мың адам жұмыс істейді.

Айцта кетейік, бұған дейін Алматы облысында тұрғындар жайылым жерінің қытайлық компанияға сатылуына қарсылық білдіргені хабарланған еді.