Алматы облысында екі АЭС, тағы біреуі Батыс Қазақстан облысында салынады

Фото: Istock.com

Алматы облысында екі АЭС салынады, тағы біреуі Батыс Қазақстан облысында салынуы мүмкін. Бұл тұралы Атом энергиясы жөніндегі агенттіктің төрағасы Алмасадам Сәтқалиев мәлімдеді. Бұл туралы Stan.kz ақпарат агенттігі хабарлады.

Оның айтуынша, атом саласын дамыту жөніндегі мемлекеттік комиссияның отырысында атом электр станциясын салуға арналған екінші перспективалы алаң – Алматы облысының Жамбыл ауданы болып белгіленген.

"Яғни екінші станция да еліміздің оңтүстігінде орналасады. Себебі оңтүстік аймақ – энергия тапшылығы бар өңір. Солтүстіктен оңтүстікке электр энергиясын жеткізетін желі арқылы тасымалданады. Сондықтан бұл аймаққа АЭС салу – энергиямен қамтамасыз етудің сенімділігі мен тұрақтылығын арттырады. Біз барлық қатысушылармен, яғни конкурстың барлық қатысушыларымен келіссөздер жүргізіп жатырмыз. Қытай пайдасына түпкілікті шешім қабылданған жоқ. Бірақ біз бұл компанияны басты деп қарастырып келеміз. Алайда әлі нақты шешім қабылданған жоқ", – деді Сәтқалиев Мәжілістегі брифингте.

Ол сондай-ақ елдің батысында АЭС салу мүмкіндігі де қарастырылып жатқанын айтты.

"Батыс Қазақстан, Каспий жағалауы – әзірге нақты орын белгіленген жоқ. Шағын және орта қуатты реакторлары бар атом станциясын орналастыруға әлеуетті орын ретінде қарастырылып жатыр. Бұл бағытта тиісті зерттеулер алдағы уақытта жүргізіледі", – деді агенттік басшысы.

Айта кетейік, 2025 жылдың ақпан айында Қазақстанда АЭС салынатын орын ресми түрде бекітілді – Алматы облысының Жамбыл ауданы. Тиісті қаулыға премьер-министр Олжас Бектенов қол қойды.

Айта кетейік, Жамбыл ауданында Улкен ауылы орналасқан, бұл елді мекен АЭС салынуы мүмкін орындардың бірі ретінде бұрыннан айтылып келген. 

2025 жылдың қаңтарында Қасым-Жомарт Тоқаев үкіметке және "Самұрық-Қазына" қорына атом саласын дамытудың ұзақ мерзімді жоспарын әзірлеуді тапсырды. Президент болашақ АЭС салынатын орындарды таңдауда нақты көзқарас пен жан-жақты талдау қажеттігін атап өтті, сондай-ақ заманауи әрі қауіпсіз технологияларды қолдану керектігін ескертті.

Мемлекет басшысы Үкімет пен Парламенттен екінші атом станциясын салатын орынды анықтауға қатысты ұсыныстар күтетінін жеткізді. Сол уақытта энергетика министрі Алмасадам Сәтқалиев екінші АЭС-ті біріншісімен қатарластыра салу мүмкін екенін жоққа шығармаған еді. Жақында вице-премьер Роман Скляр Қазақстанда екінші және үшінші АЭС-ті Қытай мемлекеті салатынын мәлімдеген болатын.