Алматыда коронавирус індетінен 97 жастағы кейуана көз жұмды
Алматы қаласында коронавирус індетінен бір науқас көз жұмды, деп хабарлайды Stan.kz ақпарат агенттігі.
Науқастың жасы 97-де еді. Оған КВИ диагнозы 25 сәуірде қойылды.
Әйелдің өлімі «Мидағы қан айналымының бұзылуы, сол жақтағы гемиплегия, ХИБС, ишемиялық кардиомиопатия, асқазан экстрасистолиясы, өткір тыныс алу және жүрек-қантамыр жетіспеушілігі, сол жақ пневмониясы» сияқты негізгі аурулардан болған.
Оның жағдайы өте ауыр деп бағаланған.
Өткізілген терапияға қарамастан, әйелдің жағдайы нашарлап, полиоргандық жетіспеушілік белгілері байқалған, сағат 08:05-те тыныс алуы мен жүрегі тоқтап қалған.
30 минут бойы өткізілген реанимациялық шаралар көмектескен жоқ. 26 сәуір күні сағат 08:35-те биологиялық өлім тіркелді.
Пациент ауру жұқтырған адамдармен байланыста болған соң, провизорлық стационарда жатқан.
Қазақстанда індеттен барлығы 26 адам көз жұмды:
Нұр-Сұлтан қаласы – 3
Алматы қаласы – 9
Шымкент қаласы – 4
Ақмола облысы – 4
Шығыс Қазақстан облысы – 1
Қарағанды облысы – 1
Қостанай облысы – 1
Маңғыстау облысы – 1
Павлодар облысы – 1
Түркістан облысы – 1