Алматыда электрмобильдер қатаң бақылауға алынады: Самокат мінгендер не білуі керек
2025 жылдың 1 маусымынан бастап Алматыда Қазақстан мен өңір үшін бірегей жоба – Біріккен микромобильдік оператор іске қосылды. Бұл туралы Stan.kz ақпарат агенттігі хабарлайды.
Бұл жоба қалалық мобильділік басқармасы мен полицияның қолдауымен, Jet, Yandex, Whoosh сияқты ірі шерингілік қызметтермен бірлесе жүзеге асырылды.
Жобаның негізгі мақсаты – жаяу жүргіншілер, жүргізушілер және жеке микромобильдерді пайдаланушылар үшін қауіпсіз, реттелген және ыңғайлы қалалық ортаны қамтамасыз ету.
Жұмыстың негізгі мақсаттары:
- Электрсамокаттардың дұрыс орналастырылуын бақылау үшін бір жүйе жасау;
- Қаланың 15 маңызды учаскесінде арнайы сандық бақылау аймақтарын белгілеу;
- Патрульдеу арқылы автотұрақ ережесін бұзудың алдын алу;
- Жолда жауапкершілікпен жүріп-тұру мәдениетін қалыптастыру.
Күнделікті жұмыс қалай жүргізіледі:
- Тағылымдамадан өткен 35 қызметкер (скауттар) орталық аймақтарды сағат 07:00-ден 23:00-ге дейін патрульдейді;
- Электрсамокаттардың орналасуын реттеп, түзетіп отырады;
- Қалалық кеңістіктің жағдайын бақылап, қажет болса түзетеді.
Қосымша шаралар:
- Ақпараттық науқандар мен флешмобтар өткізу;
- Жаяу жүргіншілер көшелері мен көпірлерде жүрмеу аймақтарын (no-ride zones) белгілеу;
- Микромобильдерді дұрыс пайдалану мәдениетін насихаттау;
- ЖОО, қоғамдық ұйымдар және бизнес қатысуымен бірлескен білім беру жобаларын ұйымдастыру.
Қысқаша айтқанда, жоба қалада микромобильдерді қауіпсіз және реттелген түрде қолдануға, жол тәртібін жақсартуға және адамдарға дұрыс пайдалану мәдениетін үйретуге бағытталған.
