Алматы әуежайында ер адам өзін бауыздап тастамақ болды
Фото: Әлеуметтік желіден
Алматы әуежайында ер адам өзін бауыздап тастамақ болды. Бұл туралы Stan.kz ақпарат агенттігі хабарлайды.
Әуежайдың баспасөз қызметінің мәліметінше, ішкі рейстер терминалында бір жолаушы дәретханада өзіне қол салмақ болған. Әлеуметтік желіде тараған видеодан қанға боялған дәретхананы және жерде жатқан шыны бөтелке сынығын көруге болады.
"Оқиғаны әуежай қызметкерлері дер кезінде байқап, жедел жәрдем шақырған. Жедел жәрдем бригадасы келгенге дейін жолаушыға алғашқы медициналық көмек көрсетілді. Қазір ер адамның өміріне қауіп жоқ, жолаушы дәрігерлердің бақылауында", – делінген хабарламада.
Полиция өзіне қол жұмсауға талпыну дерегі бойынша қылмыстық іс қозғады.
Алдын ала мәлімет бойынша, Алматы – Астана бағытындағы рейстің жолаушысы әуежайға ертерек келіп, тіркеуден және тексеруден өткен. Содан кейін ол ұшаққа отырғызуды күтіп отырған. Алайда белгісіз себептермен ол ұшаққа мінбей, шамамен төрт сағат бойы күту залында отырған. Кейінірек ер адам дәретханаға кіріп, өзіне қол салуға ұмтылған.
Ер адамның мұндай әрекетке не себепті барғаны әзірге белгісіз.
Еске салсақ, бұған дейін Алматы әуежайында ер адам өзін өртеп жіберген еді.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
