Алғашқы алтын: Теміртас Жүсіпов бокстан әлем чемпионы атанды
Сербияның Белград қаласында өтіп жатқан бокстан әлем чемпионатының финалында Теміртас Жүсіпов жеңіске жетті, деп хабарлайды Stan.kz ақпарат агенттігі.
48 келіге дейінгі салмақта өнер көрсететін Темірхан Жүсіпов финалда тайландтық 27 жасар Вуттичай Юрачаймен кездесті.
3 раундқа созылған жекпе-жекте қазақстандық боксшы қарсыласын айқын басымдықпен жеңіп, әлем чемпионы атанды.
Төрешілер өз дауыстарын бірінші және екінші раундта да Теміртасқа берді. Осылайша екі раундтың нәтижесімен өзінің финалдағы орнын айқындап алған Теміртас Жүсіпов мұнымен тоқталмай, үшінші раундта тайландтық Вуттичай Юрачайды нокдаунға жіберді. Жалпы жекпе-жектің есебі қазақ боксшысының пайдасына 5:0.
Айта кетейік, осы кештің кездесуінде тағы бір қазақстандық боксшы Махмұт Сабырхан өнер көрсетеді. 54 дәрежеге дейінгі салмақта жұдырықтасатын Махмұт жапониялық Томою Цубоймен күш сынасатын болады.
Желіде қазақстандықтарға төсбелгілер 350 мың теңгеден сатылып жатқаны туралы ақпарат тарады
“Намыс” және “Батыр Шапағаты” төсбелгілерінің эскиздерін әзірлеген Бақытбек Смағұл төсбелгілерді алаяқтар сатып жүр дейді
2025 жылы Қазақстан қандай танымал тұлғалардан айырылып қалды?
Биыл қазақ әдебиеті мен мәдениетіне, ғылымына үлес қосқан жайсаң жандар дүниеден өтті