Әлемдегі ең уақытылы ұшатын әуекомпаниялар мен дәл хабарлайтын әуежайлар аталды

Фото: pixabay.com

2026 жылдың басында әлемдегі ең уақытылы ұшатын әуекомпаниялар мен ең дәл хабарлайтын әуежайлар рейтингі жасалды. Бұл туралы Stan.kz ақпарат агенттігі хабарлайды. 

"2025 жылғы уақытылы жүретін әуекомпаниялар көрсеткіштеріне шолу" атты есепті авиация саласындағы аналитикалық компания Cirium жариялады. Әуекомпаниялардың деңгейі ұшақтың белгіленген кестеден 15 минуттан кешіктірмей шығу қабілетімен есептеледі. Ал әуежайлардың деңгейі уақытында ұшатын рейстердің саны бойынша анықталады.

Cirium директоры Джереми Боуэннің айтуынша, әуекомпаниялар әдетте мынадай қиындықтарға тап болады:

• құрылымдық шектеулер;
• кадр тапшылығы;
• әуе кеңістігінің жабылуы;
• жеткізу тізбегіндегі проблемалар;
• ауа райына байланысты жиі үзілістер.

Рейтингке сәйкес, әлемдегі ең уақытылы ұшатын әуекомпания болып Aeromexico танылды (90,02%). Одан кейін Saudia (86,53%) және SAS (86,09%) тұр.

Ал аймақтық жеңімпаздардың бестігінде:

1. Delta Air Lines (Солтүстік Америка) – бесінші жыл қатарынан бірінші орын;
2. Iberia Express (Еуропа) – үшінші рет қатарынан;
3. Philippine Airlines (Азия-Тынық мұхиты аймағы);
4. Copa Airlines (Латын Америкасы) – 11-ші рет қатарынан;
5. Safair (Орта Шығыс және Африка).

Одан бөлек Qatar Airways платина жүлдесіне ие болып, әлемдегі ең үздік әуекомпания деп танылды. Ал британдық Virgin Atlantic әуекомпаниясы өткен жылы деңгейін 83,45%-ке дейін көтеріп, ең үлкен жетістікті көрсеткен еді.

• "Көрсеткіштерді қолдан жасатып, басшылықтың туыстарына арзан билет сатқызған": Air Astana экс-қызметкерінің даулы мәлімдемесінен кейін тексеріс басталды

• Қызылорда әуежайы вьетнамдық Sovico Group-тың басқаруына берілмейді: Компания қыруар қаржы сұраған

Әуежайлар арасында платина жүлдесі Стамбул халықаралық әуежайына берілді. Есепте атап өтілгендей, бұл марапат операциялық күрделілік, қызмет көрсету үзілісіндегі жолаушыларға әсер және өсім динамикасы негізінде беріледі.

Үлкен әуежайлар арасында ең дәл жұмыс істейді деп Чилидегі Артуро Мерино Бенитес халықаралық әуежайы, орта өлшемді әуежайлар арасында Панамадағы Токумен халықаралық әуежайы, ал кіші әуежайлар арасында Эквадордағы Хосе Хоакин де Ольмедо халықаралық әуежайы танылды.