Әлемдегі ең қымбат және арзан қалалардың тізімі жарияланды: Рейтингте Алматы мен Астана бар

2024 жылдағы дерек бойынша ең қымбат қалалар тізімі жарияланды. Бұл туралы Stan.kz ақпарат агенттігі хабарлайды.

Фото: Pixabay.com

Женева әлемдегі ең қымбат қала боп атанды. Numbeo-ның соңғы деректеріне сәйкес, Швейцарияның оңтүстік-батысындағы бұл қала 101,7 ұпай жинап, өмір сүру құны индексі бойынша бірінші орынды иеленді. Одан кейін елдің солтүстігіндегі Швейцарияның тағы бір қаласы – Цюрих (100,4 балл). Үшінші орында – Американың ең ірі қаласы Нью-Йорк (100 ұпай).

• Қазақстан баспасөз бостандығы рейтингінде Африка елдерінен де төменгі орында тұр

• Қылмыс деңгейі бойынша әлем рейтингінде Қазақстан 146 елдің ішінде 75-орынға тұрақтады

• Астана мен Алматы әлемдегі ең арзан көлік тұрағы бар қалалар тізіміне енді

Үздік ондыққа Сан-Франциско мен Бостон (АҚШ), Рейкьявик (Исландия), Вашингтон, Сиэтл, Лос-Анджелес және Чикаго (АҚШ) кірді.

Рейтингте Алматы (34,2 ұпай) 164-орынға, Астана (31,9 ұпай) 176-орынға жайғасты.

Тізімдегі 218 қаланың ішінде Пәкістанның Карачи (19 ұпай) мен Лахор (19,1 ұпай) ең арзан қала болып шықты, сондай-ақ Үндістандағы Калькутта да арзан деп танылды.