Әлемдегі ең қарт марафоншы 114 жасында қайтыс болды
Үндістанда әлемдегі ең қарт марафоншы Фауджа Сингх 114 жасында қайтыс болды. Қайғылы оқиға 13 шілдеде Пенджаб штатындағы Биас ауылында болған. Бұл туралы Stan.kz ақпарат агенттігі BILD Telegram-арнасына сілтеме жасап хабарлайды.
Биограф Хушвант Сингхтің айтуынша, оны жолдан өтіп бара жатқанда белгісіз көлік қағып кеткен.
“Жатқан жерің жайлы болсын, қымбатты Фауджа", – деп жазды Хушвант Сингх.
Сингх ұзақ уақыттан бері жаттығып келе жатқан Лондондағы Sikhs In The City жүгіру клубы қайғылы жаңалықты растады.
Фауджа Сингх жүгіруді әйелі қайтыс болған соң 89 жасында бастаған. Оның ең әйгілі марафоны 2011 жылы Торонтода болды. Ол жерде қария 42 шақырымды 8,5 сағатта жүріп өтіп, 100 жасында марафонды аяқтаған алғашқы адам ретінде танылды. Сингхтің туу туралы ресми куәлігі болмаған соң рекорд Гиннестің рекордтар кітабына енбеген.
Айта кетейік, бұған дейін Жапонияда әлемдегі ең қарт адам 116 жасында қайтыс болғанын хабарлаған едік.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды