Белгілі футболшы "Әл-Хилал" клубымен келісімшартты бұзып, 21 миллиард доллардан айырылып қалмақ
Сауд Арабиясының "Әл-Хилал" клубы бразилиялық шабуылшы Неймармен келісімшартты тоқтатқанын ресми мәлімдеді. Бұл туралы Stan.kz ақпарат агенттігі хабарлайды.
Фото: Getty Images
Айта кетейік, бұған дейін ақпарат көздерінде Неймардың "Сантосқа" жалға берілуі мүмкін екені айтылған. Кейінірек шабуылшының "Әл-Хилалмен" келісімшартты бұзып, келісімшарт мерзімі аяқталғанға дейін тиесілі 65 миллион долларын алуды көздеп отырғаны белгілі болды.
"Аль-Хиляль" Неймарды Сауд Арабиясы чемпионатының екінші жартысына тіркемеді. Неймар "Әл-Хилал" сапына 2023 жылдың жазында ауысты. Алайда ол 2026 жылғы әлем чемпионатының іріктеу матчында Уругвайға қарсы ойында (0:2) ауыр жарақат алып, алдыңғы крест тәрізді байламы мен менискісін зақымдады.
Бір жылдан кейін алаңға оралған футболшы Азия чемпиондар лигасындағы "Эстегляльмен" (3:0) ойында тізе сіңірін жарақаттап алды.
Жиі алған жарақаттарының салдарынан 32 жастағы Неймар Сауд Арабиясы клубы сапында бар болғаны жеті матч өткізіп, бір гол және үш нәтижелі пас берді. 2024 жылы футболшы алаңда 42 минут қана ойнап, 101 миллион еуро тапқан.
Өз мансабында Неймар "Сантос", "Барселона" және "ПСЖ" клубтарында өнер көрсетті. Ол ең көп матчын "Сантос" сапында өткізіп, 225 ойында 136 гол соғып, 64 нәтижелі пас берді.
Еске салайық, бұған дейін Криштиану Роналду осы маусымнан кейін мансабын аяқтайтынын жазған едік. TeamTalk басылымының дерегінше, Роналдудың Сауд Арабиясының "Әл-Наср" клубымен келісімшарты биыл маусым айында аяқталады. Қазір Роналдудың мансабын жалғастыру бойынша үш нұсқасы бар. Бұл шешімдер оның қазіргі командасының Азия футбол конфедерациясының Чемпиондар лигасын жеңіп алуға мүмкіндігіне күмәндануымен байланысты болып отыр. Себебі клуб бұған дейін бұл кубокты жеңіп алмаған.
