Ақтөбедегі гипермаркеттер тұтынушыларды грамдап алдап келген
Сөредегі өлшеп қойған тауарларының көбінің салмағы бағасына сәйкес келмейді. Мұның бәрі тұрғындар шу шығарған соң ғана белгілі болып отыр,-деп жазды КТК арнасы.
Бұл тұрғын сияқты супермаркеттен алғанын сол жерде өлшеп, тексеріп шығатындар аз.
Мұны пайдаланған сатушылар тауардың салмағын көбейтіп, асыра құн қояды екен. Мамандар қаладағы қос бірдей компанияның сауда желілерін тексерген мамандар да растап отыр. Сондықтан «Анвар» супермаркетіне 700 мыңдай, ал «Дина» дүкендер желісіне 450 мың теңге айыппұл салған.
Әйтсе де тиыннан теңге құрап отырған гипермаркеттегілер адамдарды алдауын қояр емес. Әсіресе, өлшеп дайындап қоятын азық-түліктің салмағынан жеп қалуға тырысады.
«Тексеру жүргізу барысында осы бірқатар тауарлардың салмағы, өлшемдері сәйкес келмеді. Салмақтары сәйкес келмейтін тауарлар ішінде бұл күріш, пряниктер, шекер тағы тағы басқа тауарлар көбіне кездесетін»,-дейді Ақтөбе облыстық техникалық реттеу және метрология департаментінің бөлім басшысы Әсет Төребаев.
Оқи отырыңыз:
Полицейлердің туыстарын қорқытпақ болды: Алматыда халықты жиһадқа шақырғандар ұсталды
Алматы облысында дәрігер ота жасаған науқастың денесінде затын ұмытып кеткен