Ақтөбеде жүкті әйел күннің суығында подъездерді паналап келген
Барар жері болмай көпқабатты тұрғын үйлердің подьездерін түнеген Татьяна Экштейн Ақтөбедегі Аналар үйінен жылу тапты.
«3 қаңтардан бастап көшеге түнеп жүрген. Құжаттары да жоқ. Бізге Дина есімді әйел адам әкеліп орналастырды. Қазіргі таңда барлық тиісті органдар телефон соғып сұрап жатыр. Ешқандай құжаты болмағаннан кейін қабылдауға құқым жоқ болатын, негізі. Бірақ, далаға тастай алмадық. Келгесін жуындырып, алғашқы көмек көрсеттік. Психологтарымыз жұмыс жасап жатыр», — дейді орталық басшысы Таңсұлу Лакова.
Жүкті әйел өзінің тағы бір 5 жасар қызы бар екенін жасырмаған, деп хабарлайды Aktobenews.kz.
«Қостанайдағы аналар үйінің басшылығымен сөйлестік. Олар қабылдап, құжаттарын реттеп беретінін айтты. Татьяна баланы босанғаннан кейін жұмысқа шығады. Бұрын аспаз болып жұмыс жасаған екен. Құжатсыз ұстай алмаймыз. Қостанайға қайтарудың жолдарын қарастырып жатырмыз», — дейді Таңсұлу Лакова.
Тағы да оқыңыз:
Қарағандыдағы кішкентай қыздың өліміне дәрігерлердің кінәсі бар екені белгілі болды
Таразда жоғалған сарбаз: Біреулер хабарласып ұлымыздың қол-аяғын байлап ұстап отырғандарын айтты
Ақтөбелік ардагер: Әйел мұғалімдердің көптігінен қоғамда қыз мінезді жігіттер тәрбиеленіп жатыр