Ақтөбеде оқушы қызын жетектеген әйел бас киім ұрлап масқара болды (видео)
Онысы базардағы бейнебақылау камерасына түсіп қалған, – деп хабарлайды КТК арнасы.
Сұғанақ әйел тауарды қарап жүрген сыңай танытады. Сатушы көзін ала бергенде бас киімнің бірін қызының күртешесіне тыға қояды. Кейін жалмажан екіншісін қолтығына сүңгітіп жіберген. Мұны саудагер алғашқыда аңғармай да қалыпты. Кейін таспаны көргенімен, құны 5 мың теңге болатын қос бас киімді даулап ешқайда шағымданбаған. Дегенмен, тәртіп сақшылары арызсыз-ақ ұрыны жазалаймыз деп отыр. Ал сатушы болса күдіктіден өзгелер де сақтанып жүрсін деген ниетпен әлеуметтік желіге бейнероликті жариялапты.
«Бір қарасам мына жерде бас киім жоқ. Камерадан қарасақ екі бас киімді алып кетіпті. Сосын камераға түсірді де, салып жіберді «зеллоға»», – дейді сатушы Гүлназ Дәрібаева.
Талқылау