Ақтөбеде ішімдікке сылқия тойып алған «сақалды» жігіт жұрттың көзінше әйелін сабап тастады
Ақтөбеде жат ағымның жетегінде жүрген жігіт араққа тойып келіп, әйелін сабап тастаған.
Пәтер жалдап тұратын ол ащы суға соңғы жылдары бой алдырып жүрсе керек. Таныстарының айтуынша, кезінде ол теріс ағымда жамағатты аузына қаратқан топ жетекшісі де болған екен, деп хабарлайды «Тілші».
Кейінгі кезде бір істеріне қатты өкініп жүрген сияқты. Бір «ғұламаның» барлық шығармасын беріліп оқып жүрген ол аяқасты ойын өзгерткенге ұқсайды.
«Дарын Мубаровты ұстазы санайтын. Алайда, «сеніп жүрген адамымның өзі дұрыс жолда емес екен» деп айтып жүрді де, қатты депрессияға түсіп кетті. Тіпті, ащы судан ұрттайтынды шығарыпты», — дейді оқиғаның басы-қасында болғандар.
Куәгерлердің айтуынша, «сақалды» жігіт кезекті рет тойып келіп, әйелін жұрттың көзінше сабаған. Мас болса да аузынан Алланы тастамаған ол Құран аяттарынан үзінділер келтіріпті.
Белгілі болғандай, теріс ағымға түскеніне өкініп жүрген ол кезінде әкесінен бас тартыпты. Тіпті, оның жаназасын шығарысуға да бармаған.