"Ақша бермесе, біреудің ауру баласымен арпалыспаймын": "Үкілі бала" атанған Ерболсын Серікбаев 11 жылдан кейін ел алдына шықты

Фото: Подкастан скриншот

Адам емдеп атағы шыққан Ерболсын Серікбаев ұзақ жылдан кейін жан сырын ақтарып, сұхбат берді. Бұл туралы Stan.kz ақпарат агенттігі хабарлайды. 

Емші бала журналист Аман Тасығанға сұхбат беріп, балалық шағын есіне алды. 

“2014 жылы "Кешкі кездесу" бағдарламасынан кейін адамдардың мені саусақтарымен көрсете бастады. Өйткені, 11 жастағы бала жарқ етіп Аралдың кішкентай ауылынан шықты. Оны келіп Аман Тасыған көрсетті. Молдалар бар, психологтар бар барлығы 11 жастағы балаға жабылды. Яғни, менің психологиямда бір ауытқу және қорқыныш пайда болды. Бір журналист пен молданы көргеннен кейін барлығының көзқарасы сондай болады. Ол жерде барлығы жабылып кеткеннен кейін менде үнсіздік пайда болды. Қазақ менталитетінде үлкен кісіге артық сөйлеуге болмайды, қарсы шығуға болмайды деген бар. Оны қазір түсінемін, бірақ ол кезде оны түсінбедім. Ол жерде 11 жастағы бала өз ойын айтты, өз-өзін қорғау керек еді. Өйткені, ол жерде оны қорғайтын бірде бір адам болған жоқ. Ол кезде болған оқиғаға мен қазір өкінбеймін. Қазіргі таңда оның қорытындылайтын нәтижесі бар", – деді “Үкілі” бала.

• "Үкілі бала" атанған емші Ерболсын Серікбаев Ресейге не үшін көшіп кеткенін айтты

• "Баламыздан айырылып қалдық": Үкілі бала Ерболсын жаңа үйленген әйелімен ажырасып кеткенін айтты

Бүгінде емші бала шетел асып, медициналық білімін жетілдіріп жүр. Тіпті емінің ақысын да жасырмады. 

“Әлі күнге дейін ақша үшін ғана адам емдеймін. Ақша керек болмаса, емдемеуші едім. Маған біреудің проблемасы, ауру баласымен арпалысқан керек емес. Ақша үшін жұмыс істемеймін деген адамдарға сенбеймін. Қазіргі атқаратын жұмысымды жақсы ақшаға бағалаймын. Өзінің ставкасынан бөлек, үстіне қосып беретін жұмысым бар. Өйткені нәтиже бар. Қарапайым адамға консультация беру де менің уақытым мен энергиямды алады. Топтық емдердің ақысы әртүрлі. Ретритке көп уақыт бөлемін. Үй жағдайында қандай ем қолдану керегін айтамын. Бір қабылдауым – 200 доллар. Қазақстанға келгенде 100 доллар болады. Өйткені еліміздегі халықтың әл-ауқатын түсінемін. Теңгемен шаққанда 50 мың теңге. Қатты қымбат емес деп ойлаймын”, – деді емші бала.