АҚШ-тың баж салығынан кейін азиялық қор нарықтары құлдырады
Дональд Трамп 185 елден әкелінетін тауарларға баж салығын енгізгеннен кейін азиялық қор нарықтары құлдырап жатыр. Бұл туралы Stan.kz ақпарат агенттігі хабарлайды.
Фото: Pexels.com
АҚШ баж салығын көтергеннен кейін Жапонияның Nikkei 225 индексі 8%, ал Кореялық Kospi 5%-ға жуық төмендеді. Гонконг қор биржасының HSI негізгі индексі 9%-дан астам құлады. Бұл – жыл басынан бергі ең төменгі көрсеткіштер. Инвесторлар жаһандық сауда соғысынан қорқады.
Азияның мемлекеттік органдары мен ірі экспорттаушы елдер кездесулер өткізіп, нарықты тұрақтандыру шараларын қабылдап жатыр.
Қытайдан АҚШ-қа өнім жеткізу тарифтері 34%, Жапония мен Оңтүстік Корея үшін 24% және 25%-ға тең.
Бұған дейін Трамп Қазақстан тауарларына баж салығын 27% көтергені айтылды. Алайда сауда министрлігі жаңа тарифтың экспортқа айтарлықтай әсері жоқ екенін айтады.
Талқылау
