Аурухана операцияның сәтті өтуін "пациенттерге оңай қол жетімді мүшелерді іздеудегі маңызды кезең" деп атады. Адамның донорлық органдары мұқтаж адамдарға жеткіліксіз, сондықтан пациенттер трансплантация мүмкіндігін күтеді.

Рик Слэйманның бүйрек жеткіліксіздігінің ұзақ тарихы бар. 2018 жылы ол сол ауруханада адамның донорлық бүйрегін алған, ал оған дейін жеті жыл гемодиализде болған. Бес жылдан кейін, 2023 жылдың мамырында оның денесі донорлық бүйректі қабылдамады, ал ер адам диализге қайта оралуға мәжбүр болды.

"Екі апта сайын науқас қан ұйығыштарын жою үшін ауруханаға барып, операция жасауы керек болды. Бұл оның өмір сүру сапасын айтарлықтай нашарлатты", - деді емдеуші дәрігерлер.

Нәтижесінде Слэйман жақсы және жаман жақтарын таразылап, жануардың ағзасын ауыстыруға шешім қабылдаған.

"Мұны маған өмір сыйлау мүмкіндігі ретінде ғана емес, донорлық органсыз өмір сүре алмайтын мыңдаған адамдарға үміт беру мүмкіндігі ретінде көрдім", - деді ол.

Ғалымдар жануарлардың, ең алдымен шошқалардың өзгертілген мүшелерін адамдарға трансплантациялау донорлық органдардың созылмалы тапшылығын жеңілдетеді деп үміттенеді. Бүйректен басқа шошқа жүрегін трансплантациялау тәжірибесі бар.

Трансплантациялау үшін шошқа бүйрегін Массачусетс штатындағы Кембридждегі eGenesis компаниясы дайындады. Жануар адамның реципиентіне зиян келтіруі мүмкін гендерді жою үшін генетикалық түрлендірілді және адам гендері қосылды.

Дегенмен, Слэйманның жаңа бүйрегі қанша уақыт жұмыс істейтінін ешкім болжай алмайды.

Айта кетейік, бұған дейін Қытай ғалымдары бауыр жеткіліксіздігімен ауырған науқасқа шошқа бауырын салғаны туралы жазған едік.

Талқылау