Шетелдік "заңдағы ұрылардың" қолшоқпарлары Бурабайдағы бизнесті бақыламақ болған – ҰҚК
Ақмола облысында “Бурабай" курорт аймағының бизнес субъектілеріне қылмыстық бақылау орнатуға тырысқан екі тұрғын ұсталды. Олар қарумен кәсіпкерлерді бопсалап, ақша алып отырған. Бұл туралы Stan.kz ақпарат агенттігі хабарлайды.
Фото Ұлттық қауіпсіздік комитетінен
Ұлттық қауіпсіздік комитетінің мәліметінше, олар шетелдік "заңдағы ұрылар" деп аталатындардың қамқорлығымен әрекет еткен.
“Тінту барысында іс фигуранттарынан атыс және суық қару, сондай-ақ есірткі заттары алынды. Қылмыстық кодекстің 194-бабы 3-бөлігінің 2-тармағы бойынша сотқа дейінгі тергеп-тексеру жүргізіліп жатыр. Соттың санкциясымен ұсталған адамдарға қамауда ұстау түріндегі бұлтартпау шарасы қолданылды”, – делінген хабарламада.
Өзге ақпарат Қылмыстық-процестік кодекстің 201-бабы 1-бөлігіне сәйкес жарияланбайды.
Талқылау
Қазақстандықтар шоколадтың күрт қымбаттағанына шағымданды: Неліктен тәттіге енді көбірек төлейміз
Соның ішінде ең көп қымбаттағандары: шоколад – 28%, глазурленген кәмпиттер – 13,9%
LRT құрылысы, ғарышты игеру мен спортты дамыту: Министрліктер алғашқы жартыжылдықта бюджет қаржысын қайда жұмсады
2025 жылдың алғашқы жартыжылдығында мемлекеттік бюджет қалай жұмсалғанын жаздық