"Адамның бетіне былш еткізеді": Мақпал Исабекова жеке өмірін сұрайтындарға ренжіді

Танымал әнші Мақпал Исабекова жеке өмірі мен күйеуіне қатысты сұрақ қоятын оқырмандарына ренішін жеткізді. Бұл туралы Stan.kz ақпарат агенттігі хабарлайды. 

Фото: Фан-парақшадан алынды

Бүгінде декреттік демалыста отырған өнер иесі алдымен әнші екенін көпшіліктің есіне салды. 

"Сұрақтардың 80 пайызы күйеуіңнің ұлты қандай, мұсылман ба, жоқ па, күйеуің қайда жүр, неге жаныңда емес, ол кім боп жұмыс істейді, неге күйеуіңізді көрсетпейсіз, ажырасып кеткен жоқсыз ба, сізді тастап кетпеді ме, баланы өзіңіз босандыңыз ба, әлде кесарь ма, ЭКО-мен тудың ба, әлде өзің бе деген тақырыпта. Сонда мен өзім дым қызық емеспін бе?", – деп жазды ол. 

• "Үшіншісін жоспарлап отырмыз": Мақпал Исабекова көпбалалы ана болғысы келетінін жасырмады

• "Бір айдан бері дәрі ішіп жүрмін": Мақпал Исабекованың босанғаннан кейін денсаулығы сыр берді

Осындай жеке сұрақтарды көргенде әнші ыңғайсызданып қалатынын жасырмады. 

“Менің күйеуіме деген осыншама қызығушылық қайдан пайда болған? Оны біліп не істейсіңдер? Ана сұрақтарды көріп, өзім ыңғайсызданамын. Тегі жай өмірде өйтіп сұрамайтын шығарсыздар, адамның бетіне былш еткізіп", – деп ренішін білдірді өнер иесі. 

Еске салайық, Мақпал Исабекова "Мен оның тоқалымын" деп күйеуіне қатысты сұраққа жауап берген еді.