Абай облысында имам 11 жасар баланы қағып өлтірді
Абай облысы Үржар ауданында жергілікті мешіттің 44 жастағы имамы 11 жастағы баланы көлікпен қағып кеткен. Бұл туралы Stan.kz ақпарат агенттігі хабарлайды.
Фото: freepik
Қайғылы оқиға 14 қазан күні сағат 11:40-та Үржар ауылындағы Гагарин көшесінде болған. Toyota Rav-4 көлігін тізгіндегені имам 11 жасар баланы қағып кеткен. Қазақстан мұсылмандары діни басқармасы көліктіуылдық мешіт имамының жүргізгенін растады.
"Жол апаты салдарынан кәмелетке толмаған жаяу жүргінші Үржар аудандық орталық аудандық ауруханасында көз жұмды. Осы фактіге байланысты абайсызда адам өліміне әкеп соққан жол қозғалысы ережелерін бұзу фактісі бойынша сотқа дейінгі тергеу басталды", – делінген полиция хабарламасында.
Істі тергеуді облыстық полиция басшылығы өз бақылауына алды.
Айта кетейік, бұған дейін Атырауда имам жеңіл жүрісті қыздармен жүріп, "шөп" шекті деген ақпарат тараған еді.
Талқылау