Абай облысында қасқырлар ірі қара малға шабуыл жасап, шаруалар 160 миллион теңге шығынға ұшыраған

Фото: freepik.com, видеодан скрин

Абай облысында қасқырлар ірі қараға жаппай шабуыл жасап жатыр. Ауыл тұрғындарының айтуынша, биыл аш жыртқыштар бір ауданда 450-ден астам сиыр, қой және жылқыны жоқ қылған. Фермерлерге келтірілген залал 160 миллион теңгеден асады. Бұл туралы Stan.kz ақпарат агенттігі КТК арнасына сілтеме жасап хабарлайды.

Тұрғын Талғат Ерденбековтің айтуынша, қасқырлардан төнетін қауіп күннен күнгі артып келеді. 

"Мұндай жағдайдың саны артып келеді. Мен ферма басшысымын. Бірнеше жылдан бері қасқырлар тіпті фермаға келіп, сиыр мен жылқыларды жеп қойды", – дейді тұрғын Талғат Ерденбеков.

Тұрғындардың айтуынша, биыл жазда қасқырлар әрбір фермадан кем дегенде бес бас ірі қараны өлтірген. Жыртқыштардың популяциясын бақылау да қиындап кетті дейді. Себебі таулы аумақта көлікпен аң аулау қиынға соғады екен. Сондықтан ауыл тұрғындарына көмектесетін еріктілерді табу қиынға соғып жатыр. 

Ғалымдар 10 000 жыл бұрын жойылып кеткен қасқырлардың геномын пайдаланып үш күшік жасап шықты

Қасқыр өзін баққан адамға екі жылдан соң қайта оралған (видео)

Шаруашылықтардың бастамасымен ауданда биологиялық тепе-теңдікті сақтау және қасқыр популяциясын бақылау үшін арнайы жарыстар ұйымдастырылған. Жергілікті тұрғындар аңшылар, бүркіт пен тазы иттерді іске тартпақ. Осылайша олар малдарды сақтап қалуға үміттеніп отыр.

Кеңгірбай би ауылдық округінің әкімі Дархан Амангелдиннің сөзінше, ауыл тау бөктерінде орналасқандықтан, арнайы жабдықтар және көліктермен аң аулау өте қиын.

“Сондықтан 2023 жылы аңшыларды арнайы шақырдық. Өткен жылы 14 адам шақырдық. Оларға қажеттінің бәрі берілді. Дегенмен, соңғы екі жылда күш-жігеріміздің нәтижесі мардымсыз болды", – деді әкім. 

Айта кетейік, бұған дейін Түркістан облысында ауыл тұрғындары қасқыр мен қаңғыбас иттерден қорқып күн кешіп келетіні туралы жазған едік.