құлдық “2022 жылғы маусым айының соңынан бері "алтын үшбұрыш" деп аталатын Оңтүстік Шығыс Азия аумағында (Мьянма, Лаос және Таиланд) қазақстандықтардың еңбек құлдығында болу жағдайларының жиілеген. Алдын ала сөз байласқан халықаралық қылмыстық топтар, көбінесе үшінші тарап арқылы және әлеуметтік желілер мен мессенджерлер (Telegram, Instagram, Facebook, WhatsApp және т.б.) арқылы Қазақстан азаматтарын Таиланд аумағында орналасқан компанияларға жұмысқа шақырады.

Олар Таиландқа келгеннен соң түрлі желеу айтылып, азаматтар алаяқтық жолмен Мьянма аумағына жеткізіледі”, – деді Сыртқы істер министрлігінің ресми өкілі Айбек Смадияров.

Оның сөзінше, алданғанын кеш түсінген отандастарымыз қайта елге оралуға ниет білдірген жағдайда, компания олардан 5-10 мың АҚШ доллар төлеуге талап етеді екен. Осыған байланысты, мұндай соманың болмауына орай, қазақстандықтар қытайлық компанияларда жұмыс істеуге мәжбүр болады.

“Жәбірленушілер Еуропа мен Америка азаматтарынан алаяқтық жолымен ақша шығаруға машықтанған қылмыстық компанияларға көбінесе аудармашы немесе клиенттермен жұмыс істеуге жұмыс орнына қабылданады. Жұмыстан бас тартқан жағдайда, азаматтарды басқа ұқсас қылмыстық компанияларға 5-7 мың долларға сатып жібереді. Бұған қоса, зорлық-зомбылықпен, психикалық қысым, тамақ бермеу сынды әдістермен қорқытады”, – деді Айбек Смадияров.

Қазақстанның Таиланд және Вьетнамдағы елшіліктері осы мәселені толық шешу мақсатында Таиландтың, Лаостың және Мьянманың құқық қорғау органдарымен және сыртқы саяси ведомстволарымен тұрақты байланыс орнатқан.

Еске салсақ, жақында ғана қазақстандық екі жас жігіт Дубайдан Таиландқа жұмысқа кетіп, "Алтын үшбұрыш" деп аталатын еңбек құлдығы мен есірткі саудасы дамып жатқан жерден бір-ақ шыққаны хабарланған еді. Азаматтардың анасы БАҚ-қа сұхбат беріп, Қазақстанға оралу жігіттердің жоспарында бар еді дейді. Қазір жастардың қал-жағдайы әзірге белгісіз күйде қалып отыр.

Талқылау