"36 320 теңге": Нұрлан Өнербаев қазақ тілінде сөйлемейтіндерге айыппұл салуды ұсынды
Қазақстанның еңбек сіңірген қайраткері, əнші, қоғам қайраткері Нұрлан Өнербаев қазақ тілінде сөйлемейтіндерге айыппұл салуды ұсынды. Бұл туралы Stan.kz ақпарат агенттігі хабарлайды.
Фото: https://www.instagram.com/onerbay_nurlan/
Өнер иесі пікірін әлеуметтік желідегі парақшасында жазып, көпшілікке ой бөлісті.
“Күнде бір айыппұл түрін шығарасыңдар! Бір айыппұл түрін халық өзіміз ұсынайық. Қазақ тілінде сөйлемейтіндерге 39 320 теңге айыппұл салынсын", – деп жазды әнші.
-
11 күннен кейін келген айыппұлдарды да төлеу керек – Алматы полициясы
-
Депутаттар көлікті 5 минуттан артық қыздырғаны үшін салынатын айыппұлды алып тастауды талап етті
Желі қолданушылары түрлі пікір білдіріп, өнер иесінің ұсынысын қолдайтындарын жеткізді.
“Өте дұрыс бастама”, “Астана мен Солтүстіктегі орыс болып кеткен қазақтар әліппе жаттасыншы", "Аз ғой, 1 миллион теңге салынсын", "Әп бәрекелді", "Келісемін", "Толық келісемін. Өз тілімізді өзіміз құрметтемей шүлдірлеп кеттік", "Орынды ұсыныс", – деп жазды көпшілік.
Еске салайық, 2024 жылы қазақстандықтар рекордтық мөлшерде айыппұл төлегенін жазған едік.