“3500 теңге не үшін керек”: Қорғаныс министрлігі сарбаздарға берілетін ай сайынғы төлемнің көлеміне қатысты түсіндірді

Қорғаныс министрлігі сарбаздарға берілетін ай сайынғы төлемнің көлеміне қатысты түсініктеме берді. Бұл туралы Stan.kz ақпарат агенттігі хабарлайды. 

Фото: gov.kz

Қорғаныс министрлігінің ресми өкілі Руслан Жангулин журналистердің сарбаздарға берілетін ай сайынғы 3,5 мың теңге төлемге қатысты сұрағына жауап берді. 

"Сарбаздар демалысқа шыққанда немесе бөлім аумағындағы шәйханаға немесе дүкенге барып, тәтті сатып ала алады", – дейді Руслан Жангулин.

Кәсіби армия жасауға Қазақстанның қаржылық қауқары жетпейді – Қорғаныс министрлігі мерзімді әскери қызметтен бас тарту туралы

Министрлік өкілінің айтуынша, сарбаздар қалған қажеттіліктердің барлығымен – киім-кешекпен, үш мезгіл тамақпен, жатын орынмен, гигиеналық құралдармен қамтамасыз етілген.

Ал 3,5 мың теңгеге не сатып алуға болады деген сұраққа министрлік өкілі жауынгердің негізгі міндеті – жауынгерлік дайындықтың негізгі элементтерін меңгеру және қолында қару ұстау деп жауап берген.

Еске салсақ, бұған дейін депутат елімізде әскерлерді азық-түлікпен қамтамасыз ету деңгейін сынға алған еді.