"200 мың теңге аудардым": Қымбат тортқа тапсырыс беріп, ақшасын төлемей қойған блогер сараптама жасатқан
Фото: Аселина Батырдың жеке парақшасы
600 мың теңге тұратын тортқа бағасын білмей тапсырыс беріп, кейін төлемей қойған Аселина Батыр торт құнын бағалау үшін сараптама жасатқан.
Тәуелсіз сараптама тортты 250-300 мың теңгеге бағалады дейді.
Тауар беру кезінде баға жарияланбағандықтан, жанжалды шешу үшін тауарды тәуелсіз сараптамалық бағалау құқығын пайдаландық. Мамандардың айтуынша, торт 250-300 мың теңгеге бағаланады. Тексерістен кейін кондитер шотына қалған 200 000 теңгені аудардық. Торттың жалпы құны – 300 000 теңге. Егер бұған келіспесе, дауды заңға сәйкес шешуге дайынбыз”, – деді блогер Аселина Батыр.
"Гүлге тапсырыс беріп, ақшасын төлемеген": Атырауда танымал блогер алаяқтық жасағаны үшін сотталды
Сөзінше, кондитер ақшаны қабылдамай, қайта аударып жіберген.
“Біз кондитерден чектерді, шот-фактураларды, АВР талап ету заңды деп санаймыз. Істі қарау кезінде маңызды барлық сараптама мен басқа да құқықтық құжаттарды жариялауға болмайды. Сот процесі аяқталған соң оларды міндетті түрде парақшама саламын”, – деді ол.
Еске салсақ, бұған дейін қазақстандық блогердің 600 мың теңге тұратын тортқа тапсырыс беріп, ақшасын төлемей қойғаны туралы жазған едік. Кейін қазақстандықтар кондитерге көмектесіп, ақшаны жинап бере бастады.
АҚШ-та ауыр жарақат алған қазақстандық дзюдошы хал үстінде жатыр: Ағасы емге 270 миллион теңге қажет екенін айтты
