"25 жылдан кейін асүйге кірдім": Айгүл Иманбаева тұрмысқа шыққаннан кейін өмірінің қалай өзгергенін айтты

Фото: https://www.instagram.com/aigul_imanbayeva/

Танымал продюсер, әнші Айгүл Иманбаева Америкадағы өмірін айтып берді. Бұл туралы Stan.kz ақпарат агенттігі хабарлайды. 

Өнер иесі бизнесмен Дулат Тастекеевпен сұхбаттасты. 

“Қазір Америкада тұрып жатырмын. Өмірім өзгергені рас. Таңғы 5-те тұрамын. Сізге айтайын, 25 жылдан кейін асүйге кіріп, тамақ жасаймын. Тұрмысқа шыққаннан кейін, асүйге бет бұра бастадым. Алматыда тұрғанда тамақ істеуге уақытым болмайтын. Жалғыз тұрдым. Сырттан іше саламын. Үйде сіңлілерім болғанда солар жасап қояды. Тұрмысқа шыққаннан кейін күйеуіме таңғы ас дайындадым. Түрлі тамақтар мен дәмдеуіштердің атын жаттап жүрмін. Ең қызығы, уақытылы тамақ ішкесін салмақ тастадым. Кешкі 8-ден кейін ешкім асүйге кірмейді. Талабым сондай”, – деді әнші.

• "Мәһрге сұрағанмын": Айгүл Иманбаеваға Америкада тұратын күйеуі қымбат сыйлық жасады

• "Үкіметтің ақшасына оқыдың ғой, қашан қайтарасың?": Айгүл Иманбаева "Болашақ" бағдарламасына қатысты сұраққа жауап берді

Сондай-ақ эстрада жұлдызы Лондондағы студенттік өмірін де еске алды. 

“Лондон мені сындырып, тәкаппар мінезімді орнына қойды. Шәкіртақым 900 мың теңге болды. Соны ай сайын жеткізуге тырысамын. Ол жақта елдегідей той-томалақ, концерт, кештер жоқ. Тек оқып, білім алу керек болды. Лондонға барып, өмірімде бірінші рет көше тамақтарын жедім. Алматыда жүргенде мүлдем жемейтін едім. Автобус, метромен жүрдім. Бір жыл қиналдым. Қазақстанда жеке мектебім бар. Солардың атқарушы директорларына шығып, ақша сұраған кезімді де жасырмаймын”, – деп ағынан жарылды актриса. 

Еске салайық, танымал журналист "Болашақпен" оқып келген Айгүл Иманбаеваны "Бір жыл бойы дүкен аралап, шоппинг жасады" деп сынаған еді.