Қазақстандық спортшы ел қоржынына Универсиаданың екінші алтынын салды
Қазақстандық ауыр атлет Айдар Қазов жазғы Универсиада ойындарында Қазақстан құрамасына тағы бір алтын әкелді.
Бұл туралы Vesti.kz хабарлады.
Бұл Қазақстан құрамасының төртінші жүлдесі. Отандасымыз 77 келі салмақта сынға түсіп, үздік шықты. Ол жұлқа көтеру сайысын үшінші орынмен аяқтаған болатын. Бірінші жаттығуда ол 145 келіні бағындырды. Серпе көтеру сайысында Қазов қарсыласын шақ келтірмеді. Ол өзінің үшінші мүмкіндігінде 186 келіні еңсеріп, чемпион атанды.
Айта кетейік, бұл Универсиада ойындарында Қазақстан құрамасының жеңіп отырған төртінші жүлдесі. Бұған дейін ауыр атлетикадан сынға түскен Альберт Линдер алтын жүлде алса, Арли Чонтей қоланы қанағат қылды. Ал жүзгіш Дмитрий Баландин 100 метрге брасс әдісімен жарыста қола жүлде жеңіп алған болатын.
Тағы да оқыңыз:
Құрбан шалуға қатысты сұрақтар: Бір отбасыға бір құрбандық жете ме?
Қазақ тілін ұмытып қалған Экономика министрі берген уәдесінде тұрды ма?
Қостанайда қоқыс арасынан мәйіті табылған нәрестенің анасы әлі табылған жоқ
Өзге ағымдағы қазақ жігіті жарылыс жасап шаһит болу арманы екенін айтты (видео)