12 жастағы қызды ұшаққа отырғызбай, жалғыз тастап кеткен: FlyArystan 8 млн теңге төледі

Орал әуежайында 12 жастағы қызды ұшаққа отырғызбай, жалғыз тастап кеткен FlyArystan әуекомпаниясы 8 млн теңге өтемақы төледі. Бұл туралы Stan.kz ақпарат агенттігі хабарлайды. 

Фото: tripadvisor.ru

Отбасының адвокатының айтуынша, қыздың анасы сот белгілеген 5 млн теңге көлеміндегі өтемақыны толық көлемде алған.

"Баланың анасы сот белгілеген тиісті өтемақыны, сот шығындарын қоса алғанда толық көлемде алды. "Эйр Астана" сот шешімін мәжбүрлі түрде орындауға бармай-ақ талапты толық орындады. Былтырдан бері осы бағытта жұмыс істеп келеміз. Соңында оң нәтижеге жеттік", – дейді заңгер Данилхан Шағатаев. 

• Air Astana әуе компаниясына қатысты тағы бір жанжал: 10 жасар қазақстандық бала Түркия әуежайында екі күн бойы жалғыз қалып қойған

• "Рейстен түсіріп жіберемін деп қорқытты": Air Astana экипажы жасөспірімге қарау үшін жолаушыны орнын ауыстыруға мәжбүрлеген

Заңгердің айтуынша, осы оқиғаның арқасында жолаушылар тасымалы туралы қолданыстағы заңнамаға, сондай-ақ FlyArystan әуе компаниясының ішіндегі ережелерге өзгерістер енгізілді.

Данилхан Шағатаев егер осындай жағдай тағы қайталанса, қазақстандықтар кәмелетке толмағандардың құқықтарын қалай қорғау керегін білетін болады.

"Эйр Астана жалпы сомасы 8 692 000 теңге шығынға ұшырады, оның ішінде әкімшілік айыппұл мен моральдық шығын бар. Мұндай алып авиакомпания үшін бұл сома аз болуы мүмкін, бірақ бәрібір сабақ алды", – деді адвокат.

Еске салсақ, бұған дейін FlyArystan әуекомпаниясы 12 жасар қызды рейске мінгізбей, жалғыз өзін өзге қалада қалдырып кеткені туралы жазған едік.