Тұтынушылар құқығын қорғау ұйымы жалған сүт өнімдерінің тізімін жариялады

Бірқатар өндірушілер өндірген сүт өнімдеріне жүргізілген сараптама «Аdal», «Одари» және «Шадринское» маркалы сүт өнімдерінің жалған екенін көрсетті, деп хабарлайды Stan.kz.

Бұл туралы «Сапа» Тұтынушылар құқықтарын қорғау жөніндегі ұлттық ұйым» қоғамдық бірлестігінің кеңесшісі Әлиақпар Мәтішев мәлімдеді.

«Естеріңізде болса, біз сүт өнімдеріне сараптама жасап, нәтижесін жариялаған едік. «Аdal», «Одари» және «Шадринское» маркалы сүт өнімдері жалған болып шықты», – деп жазды Мәтішев Facebook желісіндегі парақшасында.

Оның сөзінше, сараптаманың алғашқы нәтижелері жарияланғаннан кейін, «Одари» фирмасының өнімдеріне қатысты сараптама нәтижесіне күмән келтіріліп, қайта сараптама жасалыпты.

«Біз өнімдерді дұрыс зерттемегеніміз, зертханалардың тіркелмегені, әдістің дұрыс еместігі және әлдекімдердің тапсырамасын орындап жүргеніміз жөнінде түрлі сыни пікірлер естідік. Сондықтан сараптама нәтижелерін қайта тексеріп, «Одари» маркалы сүт өнімдеріне қайта сараптама жасауды жөн көрдік. Біз қателескен жағдайда, кешірім сұрауға әзір болдық», – дейді бірлестік өкілі.

Алғашқы сараптама Алматыда жүргізілсе, екіншісі Астана қаласында жасалыпты.

«Екінші сараптама нәтижесі де «Одари» маркалы сүтінің нағыз жалған сүт өнімі екенін көрсетті. Және сараптама нәтижесі сүт өнімінің қаптамасында жазылған «қалыптандырылған, пайдалы әрі дәмді екені жөніндегі мәліметпен» сәйкеспейді. Бұл сүт тұтынушылардың өмірі мен денсаулығына зиян әрі қауіпті», – деп жазды Мәтішев.

Оқи отырыңыз:

Ақтөбеде адамдарға хиджама арқылы астыртын ем жасап жүргендер анықталды

Жеміс шырыны адам денсаулығына өте қауіпті болып шықты

ШҚО-да дәрігер тастанды баланы құтқару үшін өзі емізген

Рак дертіне шалдыққан алматылық әйел 5 баламды кімге табыстаймын деп жылады

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
10.12.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар