Соңғы жаңалықтар
Соңғы жаңалықтар

Серік Ибрагимов: Үйленгенін жасыратын әншілерді түсінбеймін

Жуырда ғана қолына бақ құсын қондырып, шаңырақ көтерген Серік Ибрагимов өмірінің қалай өзгергенін айтып берді. Одан бөлек, әнші үйленгенін жасыратын сахналас-әріптестерін түсінбейтінін мәлімдеді.

айнамкоз серік 555

Бұл туралы Нұрлан Қоянбаевтың «Түнгі студия» бағдарламасында айтылды.

«Біріншіден, әншінің отбасылы болуы өнерге әсерін тигізеді деп ойламаймын. Өнеріңді шын бағаласа, онда тыңдарманыңды жеке өмірің қатты мазаламайды. Қорқатын адамдар бекерге қорқады, тыңдармандар өнеріңді ғана жақсы көреді, мақсаты саған тиіп алу емес. Сондықтан жеке өмірімді ашық түрде жарияладым. Екінші жағынан, құда да, құдағи да тыныш, анамыз да, ауыл адамдары да, жақындарымыз да тыныш. Сондықтан осылай болғаны жақсы деп ойлаймын», – деп түсіндірді Ибрагимов.

Одан кейін әнші өмірінің қалай өзгергенін әңгімелеп берді.

«Звондап, хабар алып, жағдайыңды сұрап, үйден шығып бара жатқан кезде тамағыңды, киіміңді – барлығын дайындап береді. Негізі жақсы екен. «Үйленіп ал, 1-2 жылдан кейін көресің» деп бір ағаларамыз айтып еді, ондай болмай-ақ қойса екен деп жүрмін. Бас жағы қызық», – дейді Серік.

Ибрагимовтің үйлену тойына 550 адам шақырылғанымен, келген қонақтар саны 700-ге жақындаған. Серіктің айтуынша, оның арасында шақырылғаны да, шақырылмағаны да болған.

«Арасында «Инстаграмнан көрдік, суретке түсіп кетуге бола ма?» деген қызықтар да болды. 50 жасқа келген апамыз халатпен, тәпішкемен жүр. «Балам, келін» деп тос сөйлеп жатыр. Өзі ешкімге қарамайды. Селфиге түсіп болған соң: «Сендерді инстаграмнан көрдім, айналайын, бақытты болыңдар, мен суретке түсуге келдім», – деді де кетіп қалды», – деді Серік бір күліп алып.

Жіберіп алмаңыз:

Анасынан аумай қалған қазақстандық жұлдыздар (фото)

Қайрат Нұртас: Мен балгерлерге сенбеймін, тек Құранмен дем салдырып тұрам

Қайрат Түнтеков тыңдармандарына тосын сый әзірлеп жатыр

Ағасы: Кезінде жұрт Айдана Меденованы мен арқылы ғана танитын

Талқылау