Салмағы 350 келі тартатын қостанайлық әйел көз жұмды
Салмағы 350 келі тартатын қостанайлық әйел 39 жастағы Галина Воробьева бүгін түнде қайтыс болған.
Бұл туралы “Алау” телеарнасы хабарлайды.
Ақпаратты аурухананың бас дәрігері Самат Шүменбаев та растады.
Травматологиялық бөлім меңгерушісі Марал Әбілқасымованың айтуынша, асқазанында қан кеткен деген күдікпен әйел бірнеше күн бұрын ауруханаға жатқызылған.
Галина Воробьеваны ауруханаға 8 адамдан тұратын төтенше жағдай қызметкерлері әкеліп орналастырған екен. Диагностикалық тексеруден кейін оған қойылатын диагноз нақтыланбаған. Оған терапевт дәрігер қараған.
“Оны біздің бөлімге жатқызды. Анализдер алып, тексерген соң қан кету жағдайы анықталмады. Өзін жақсы сезінген ол, тезірек үйіне кеткісі келген. Бүгін оны шығаруымыз керек еді. Бірақ түнде көз жұмды”, – дейді бөлім меңгерушісі.
Аталған жағдайға байланысты сот-медициналық сараптамасы тағайындалды.
Оқи отырыңыз:
Ақмола облысында ер адам туған ағасын балталап өлтіріп, әкесіне оқ атты
Ақтөбеде ер адам автобус жолаушыларының көзінше мерт болды
Алматы тұрғыны жалғыз баласын қағып өлтірген жүргізушіні жауапқа тартқыза алмай жүр