ОҚО жастары Құрбан айт қарсаңында Астанада тегін бауырсақ таратты (фото)
Астанадағы Оңтүстік Қазақстан облысының күндері қарсаңында өңірдің белсенді жастары жергілікті тұрғындар мен қонақтарды Құрбан айт мерекесімен құттықтап, оларға бауырсақ салынған 5 мыңнан астам пакет таратып берді.
Фото: ОҚО әкімдігі
Бұл туралы ОҚО әкімдігі баспасөз қызметі хабарлайды.
Ерекше шара “Хан шатыр” сауда ойын-сауық орталығынан басталып, қоғамдық көліктерге дейін жалғасты.
Бауырсақты тегін тарату шарасы ЭКСПО қалашығы маңында да жалғасын тапты.
Содан кейін облыс жастары ұлттық әндер мен Шәмші Қалдаяқовтың әндерінен попурри орындап, жұртшылықты бүгін кешке “Бәйтерек” жанында болатын “Астананың жұлдызды түні” би кешіне шақырды.
«Астананың жұлдызды түні» би кешінде Оңтүстік Қазақстаннан шыққан “Жігіттер” тобы, Ғазизхан Шекербеков, «Boys band» триосы, тағы да басқа өнерпаздан өнер көрсетеді.
Талқылау