Көкшетау тұрғыны ғаламторда дәрігердің қарамағанын жазғаны үшін сотта кінәлі болды

Жұма, 17 Қараша , 2017 19:30

«Күйеуімнің саусағы іріңдеп ауруханада барғанда, дәрігерлер мас болып, дұрыс қарамады» деген Марина Ермакованың әлеуметтік желіге жариялаған жазбасына қатысты дәрігерлер арыз түсірген. Бүгінгі сотта осы дауға нүкте қойылды, деп хабарлайды КТК.

Оқиға қыркүйек айында болған. Марина Ермакованың күйеуі саусағы іріңдеп кетіп, екеуі қалалық аурухананың қабылдау бөліміне барыпты. Сол күні хирург Болат Біләлов кезекші екен. Кешқұрым келген пациенттерді ол амбулаториялық хирургия орталығына жібереді. Онда қызмет ақылы болғанына ашуланған Марина шу шығарған. Ақыры үйіне келіп, ғаламтор арқылы дәрігердің мас болғаны, тіпті төбелеспек болып тап бергені туралы жазған. Сөйтіп, Біләловтің басы дауға қалады.

“Қазір дәрігерден жаман адам жоқ. Адам өлтіруші де, мүгедек ететін де, тіпті маскүнем де дәрігер ме? Білесіз бе, менің таныстарым шетелден хабарласты. Мас болып, жұмыста отырғаның рас па деп? Қаншама пациенттерімнің, жақын туыстарымның алдында масқара болдым”, – дейді шағымданушы Болат Біләлов.

Ертеңіне дәрігерді басшылары бірден наркология орталығына сараптамаға жіберген. Ол жақта оның арақ ішпегені анықталыпты. Сосын өзіне жала жауып, масқаралағаны үшін Ермакованы сотқа берген.

Дәрігер мен пациенттің арасындағы жанжалды сот екі ай қарады. Ғаламторды шулатып, жоғары санатты хирургке жала жапқан тарап осы уақыт аралығында одан кешірім де сұрамапты. Сотта ерлі-зайыпты Ермаковтар сол сәтте дәрігер мас болды дегенді дәлелдеуге тырысумен болған.

Десе де сот Марина Ермакованың бір жылға бостандығын шектеді. Сондай-ақ, әйелді 100 мың теңге моральдық шығын өтеуге міндеттеді. Алайда, үкіммен келіспеген Марина апелляциялық шағым түсірмекші.

“Дәрігер сол жазбадағы мас болды дегенді ғана көріп отыр. Бұл жерде негізінен олардың күйеуіме көмек көрсетпегені жазылған. Ол қант диабетімен диспансерлік есепте тұр. Сондықтан оның жарақатпен көп жүруіне болмайды. Қарсы шағым жазамын”, – дейді сотталушы Марина Ермакова.

Бас бостандығы шектелген келіншек енді бір жыл бойы көпшілік көңіл көтеретін, бас қосатын жерлерге бара алмайды. Яғни әрбір жүрісі өкілетті органдардың қадағалауында болмақ.

Тағы да оқыңыз:

«Оскарды» ұтқан әйгілі гримерді Назарбаев туралы фильм түсіріліміне шақыртты

Бағдат Мусин: Қазіргі жастар 4 жыл тайраңдап бос жүреді, тек диплом алса болды

Ақтөбеде дін жолында жүрген ата-аналар намаз оқитын таксист іздейді

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
13.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар