Қыз бала 12-қабаттан құлап аман қалды

Үндістанның Гуджарат штатында 13 жастағы қыз 12-қабаттан құлап аман қалды. 

Оқиға 13 сәуір күні болды. Бірақ бүгін ғана мәлім болып отыр. Хетал Сароли көшеде кетіп бара жатқандарды көру үшін балконның жақтауына шығады. Ол тепе-теңдікті ұстай алмай құлап кетеді. Жасөспірім велосипед қоюға арналған сарайдың шатырына құлап түскен. 

Куәгерлер жедел жәрдем шақырып, қызды ауруханаға жеткізді. Қолы мен кеудесі сынып, іш-құрылысы, аяғы жарақаттанғанына қарамастан дәрігерлер оны аман алып қалды. Оның жүрегі, миы, бүйрегі мен бауырына зақым келмеген. 

Жеткіншек әлі де интенсивті ем қабылдап жатыр. Жағдайы тұрақты. Алдағы уақытта бірнеше ота жасатады.