“Қазақстан” РТРК” АҚ-ына жаңа басшы тағайындалды
ҚР Байланыс және коммуникациялар министрі Дәурен Абаев “Қазақстан Республикалық телерадиокорпорациясы” АҚ ұжымына жаңа басқарма төрағасы – Кемелбек Ойшыбаевты таныстырды.
Бұл туралы ҚазАқпарат хабарлайды.
Министрдің хабарлауынша, корпорацияның бұрынғы басшысы Нұржан Мұхамеджанова төрағаның бірінші орынбасары лауазымын атқарады және компания және оның филиалдарының стратегиялық мәселелеріне қатысты жұмысын реттейтін болады. Дәурен Абаев корпорацияның жемісті жұмысын ерекше атап өтті және ұжымға сәттілік тіледі.
Өз кезегінде Кемелбек Ойшыбаев корпорация ұжымы қойылған жаңа міндеттер мен талаптарды ақтауға тырысатындығын атап өтті.
“Сіздің барлық тапсырмаларыңыз міндетті түрде орындалатын болады”, – деді ол.
Ойшыбаев Кемелбек Бақтығұлұлы 1977 жылы 13 шілдеде дүниеге келген. Әл-Фараби атындағы Қазақ ұлттық университетін Журналистика мамандығы бойынша, Қазақ Гуманитарлық-Заң университетін заңгер мамандығы бойынша, Халықаралық бизнес академиясын корпоративті менеджмент мамандығы бойынша тәмамдаған, сонымен қатар Geneva Business School – MBA мектебін бітірген. Орталық коммуникациялар қызметінің директоры қызметін атқарды.
Сонымен бірге “Қазмедиа орталығы” бас директорының орынбасары, “Zaman Қазақстан” республикалық газеті бас редакторының орынбасары, “Қазақтелеком” АҚ корпоративтік сатылымдар дирекциясының бас директоры қызметтерін атқарған.
Оқи отырыңыз:
Бас мүфти қарт әжейге тосынсый жасады (фото)
10 ақтөбелікті діни көзқарасы үшін әскер қатарына алмай қойды
Қазақстанда жасөспірім баласы әлеуметтік желіге тіркелген ата-ана айыппұл төлейді
БАҚ-қа шолу. Әлішер Кәрімов өзінің “көгілдір” екені туралы сыбыстардың қайдан шыққанын түсіндірді
Ары мазалаған қазақстандық азамат Аружан Саинға ерекше өтінішпен келді
Назарбаев: Жақсы өмір сүру үшін университетте оқу міндетті емес