Stan.kz сайтын Telegram арқылы оқыңыз. Арнамызға жазылыңыз.
Қазақстан қарулы күштерінің тарихында алғаш рет: Бітімгер әйел Батыс Сахараға аттанды
Қазақстанның қарулы күштерінің тарихында алғаш рет бітімгершілік миссияны атқаруға әйел адам жіберілді, деп хабарлайды Қорғаныс министрлігінің баспасөз қызметіне сілтеме жасап Stan.kz.
Майор Шолпан Таушева Батыс Сахараға бітімгершілік мақсатпен аттанды. Ол бір жыл бойы 30 мемлекеттен келген әскери қызметкерлермен бірге бітімгершілік миссиясына қатысып, әскери бақылаушы міндетін атқарады.
Ведомствода аталғандай, бітімгершілік мақсатында аттанатын үміткерлерді іріктеу ерікті түрде жүзеге асырылады. Үміткерлер өзі аттанатын елдің тілін білуі және медициналық комиссияның жайсыз климат жағдайларында қызмет етуге жарайтыны туралы тұжырымын алуы тиіс.
Айта кетсек, биылғы жылдың қазан айының соңында қазақстандық бітімгерлер Ливанға аттанған еді.
Талқылау