Қазақстан еркін күрестен Азия чемпионатында алтын жеңіп алды
Қазақстандық еркін күресші Азамат Дәулетбеков Қырғызстанда өтіп жатқан Азия чемпионатында финалдық кездесуін өткізді. Бұл туралы Stan.kz ақпарат агенттігі хабарлайды.
Фото: instagram.com/qaz_olympics
Еркін күрестен 86 келіге дейінгі салмақта сынға түскен Қазақстан құрамасының капитаны үш дүркін Азия чемпионы атанды. Ол финалда Өзбекстан өкілі Жабраил Шапиевті жеңіп, құрлықтық турнирде өз командасына алғашқы алтынды әкелді.
Жеңіске жету жолында Дәулетбеков ирандық Хади Вафаейпураны (3:1) және қытайлық Пейлонг Лиді (11:0) жеңді.
Айта кетейік, Азаматтың Париж-2024 Олимпиадасына лицензиясы бар.
Тағы бір қазақстандық Асыл Айтақын да 61 келіге дейінгі салмақта алтын үшін белдескенімен, ақтық сында кілем иесі Тайырбек Жұмашбек Уулунан жеңіліп қалды.
Бұған дейін Айтақын палестиналық Али Абурумайл (7:0), моңғолиялық Энеболд Энгбат (11:0) және үнділік Акаш Дахияға (11:0) мүмкіндік қалдырған жоқ. Талғат Сырбаз жапондық Кота Такахашиден аса алмағанымен, қарымта белдесуде үндістандық Яш Яшаны (10:0) жеңіп, 74 келі салмақта қола жүлдеге қол жеткізгенімен, ирандық Хоссейн Абузарипаштан жеңіліп қалды.