Индонезиядағы психикалық дертті науқастар емханасының адам шошырлық жағдайы (фото)
Pasung индонезиялық термині «шектеу» дегенді білдіреді. Бұл сөз қамауда, түрмеде отырған адамдар үшін жиі қолданылады. Терминді 1977 жылы қолдануға тыйым салынған. Алайда, бұл сөз психикалық дертпен ауыратындар үшін әлі де қолданылып келеді.
Бұл туралы liveinet.com хабарлайды.
Нью-Йорк фотографы Андреа Стар Риз Индонезияда бір жыл болып, психикалық дертпен ауыратын науқастарға арналған аурухананың жағдайын көріп, жаға ұстаған.
Ол науқастарды суретке түсіріп, өзінің деректі жобасын «Реніш» деп атады.
«Мен бұл жерге оңай кіре алдым. Тіпті, кіруге тыйым салынуы тиіс жерлерден де еркін өттім. Мен ел билігінің бұл науқастардың жағдайына назар аудармайынша оларды суретке түсіре берем. Оларды мұндай жағдайда қалдыра алмаймын», – дейді Андреа.
Агус өз қоршауында ән айтқанды ұнатады. Дәрігерлер оны еркіндікке жіберсе қашып кетеді деп қорқады. Сондықтан оның қоршауы үйіне айналған.
Эви 15 жасында галлюцинацияға шалдығып, ата-анасы оның ағаш төсегі мен ислам жолымен емделуіне ақша төлеген.
Бұл орталық Джакарта қаласында орналасқан. Медициналық кешен үкімет тарапынан заңдастырылған. Мұнда барлық келушілерді, тіпті тұратын орнының ақшасын төлей алмайтындарды да қабылдай береді.
Орталық жергілікті органдардан науқастың екі айлық тамағын ғана алады. Палатаның орнына темір қоршаулар қойылған. Олар ерлер мен әйелдер арасын бөліп тұрады.
Анна 10 жыл бойы терезесіз қоршауда өмір сүріп келген. Ол бұрын осы жерден қашуға әрекеттенген. Ал, қазір оның қашуға шамасы да келмейді.
Науқастар дұрыс тамақтанбайды, жөні түзу киімдері де жоқ. Олар бір-бірімен сөйлеспейді де.
Сайпудиннің аяқ-қолы 9 жылдан бері ағашқа таңылған. Оның бұлшықеттері жансызданып қалған.
Науқастардың күнделікті ішер асына да ақша тапшы. Олар бір жерде жатып, бір жерде жуынады, тамақтанады.
Кейбір науқастарға ата-аналары сеанс кезінде еміне ақша төлейді.
Науқастардың туыстарымен сөйлесуіне іс-жүзінде тыйым салынған.
Индонезиядағы ең жақсы емхана
