Соңғы жаңалықтар
Соңғы жаңалықтар

Головкин мен Альварестің реваншы өтпей қалуы мүмкін

Бірнеше күн бұрын Golden Boy компаниясының басшысы Оскар Де Ла Хойя мамырда Сауль «Канело» Альварес пен Геннадий Головкин кездеспеуі мүмкін екенін мәлімдеген.

Бұл туралы Allboxing.ru жазған.

Промоутердің айтуынша, қазақстандық пен мексикалықтың реваншы 16 желтоқсанда Давид Лемье Билли Джо Сондерсті жеңіп, орта салмақта WBO тұжырымы бойынша әлем чемпионы белбеуін иеленсе, өтпей қалуы мүмкін.  Бұл жағдайда Альварестің қарсыласы Лемье болуы мүмкін. GGG бапкері Абель Санчес осы жағдайға қатысты пікір білдіріп үлгеріпті.

«Мұндай жағдай болмайды деп үміттенемін. Жекпе-жек қарсаңында олар Головкинді нокаутқа түсіреміз деді, ал енді осы жолмен жүргісі келеді. Бастапқыда олар (2016 жылы) белбеуді бере салды, енді Головкиннен қашып, Лемьеге барғысы келеді. Егер ол Головкиннің «қалдығын» жеңсе, бұл бокс үшін қайғылы жағдай болады», – деп мәлімдеді ол BoxingScene.com басылымына берген сұхбатында.

Ал мұның алдында Головкин мен «Канелоның» кездесуі 2018 жылдың көктеміне белгіленгені хабарланған еді. Командалар келіссөздерді бастап та кеткен-мыс. Кездесу 5 мамырға белгілеген де сыбыстар шыққан.

Еске салсақ, 17 қыркүйек күні Головкин мексикалық Сауль “Канело” Альвареспен жекпе-жек өткізіп, тең түсті. Осыған дейінгі 37 кездесуінің барлығын жеңіспен аяқтаған қазақстандық боксшы кездесу нәтижесіне қатысты өз пікірін де білдірген болатын. Енді екеуара мықты жеңімпазды реванш жекпе-жекте анықтайтын болады. Өз кезегінде Головкин өзіне қолдау білдірген барша қазақстандықтар мен президент Назарбаевқа алғысын жеткізді.

Талқылау